Управување со флота на возила

Car Fleet Management d.o.o. као експерт во областа на управување со возни паркови на своите клиенти им нуди бесплатна советодавна служба со цел оптимизација на трошоците на возниот парк. Во таа смисла, при иницијалниот контакт предлагаме следни чекори: - Длабинска анализа на искористеноста и ефикасноста на постојниот возен парк. - Изработка на предлог за замена на возниот парк со приспособување на флотата на актуелните даночни закони поврзани со употреба на возила во деловни цели, како и идните законски прописи и директиви поврзани со користење на возила и намалување на штетната емисија во согласност со препораките и директивите на ЕУ. - Замена на амортизираниот возен парк со нов кој е приспособен на потребите на клиентот. Оптимизација на економичноста и еколошките аспекти: Преку селекција на модели според критериуми за пониска потрошувачка на гориво и намалена штетна емисија за потребите на "benefit флотата" (за возила доделени на вработените за користење 24 часа) – предлагаме: - "Downsizing" на моторите со цел намалување на просечната потрошувачка на гориво - Избор на "еко" мотори со пониско ниво на CO2 емисија - Советување на компании при изработка на "Footprint – зелен отпечаток" & "CO2 emission" прописи за возниот парк на лесни комерцијални возила, вклучувајќи изработка на платформа за детална стратегија за воведување модели со ниско ниво на загадување и помала специфична потрошувачка на гориво ("green fleet", т.е. мотори со ниска емисија и ниски mpg параметри, воведување на хибриди, EV – електрични возила и сл.). Во случај на потреба од замена на постојниот возен парк со нови возила, целосно ќе му помогнеме на клиентот полесно да ги продаде постојните возила по најдобрите цени на пазарот.

Со целосно индивидуален аналитички пристап кон потребите и желбите на клиентите, како и многу добро познавање и увид во состојбата на пазарот на возила и придружните услуги, во договор со клиентот ги усогласуваме потребите со тековните услови на пазарот со цел постигнување на најдобар однос вложено/добиено, како и намалување на трошоците користејќи ги сите законски и даночни олеснувања или предности. Поради обемот на набавката, во можност сме да обезбедиме најдобри комерцијални услови од добавувачите или увозниците на возила. Сите вака постигнати бенефиции во целост се пренесуваат на клиентот. Преку низа различни анализи и користејќи богато долгогодишно искуство од областа на управување со флоти на возила и финансирање на истите, изработуваме посебно приспособени решенија со цел оптимизација на трошоците за експлоатација (т.н. TCO-трошок на вкупното сопственост) и максимално економично почитување на желбите и реалните потреби. На клиентите исто така им нудиме можност за усогласување и рамнотежа на целта по основа на CO2 емисија и трошоците на флотата. По завршување на анализата, клиентот добива оптимално формиран возен парк во смисла на однос на вкупниот трошок и техничко-функционалните потреби.

Нашата услуга за управување со возен парк на компании е достапна за сите возила, без разлика дали се во сопственост на компаниите или се возила финансирани преку лизинг. Во соработка со сите водечки финансиски куќи од областа на лизинг, во можност сме да понудиме целосно решение за финансирање на набавка на возила со моментално најповолни услови на пазарот. На барање на клиентот, целосно можеме да го преземеме веќе започнатиот процес на преговори со финансиските институции во делот на финансирање на набавка на возила, и на тој начин можеме да обезбедиме најквалитетни услови на пазарот.

Целосно ја преземаме контролата на процесот на регистрација и осигурување на возила, како и редовните годишни обнови на истите. Во соработка со водечките осигурителни друштва нудиме приспособени решенија и услови за осигурување со максимална оптимизација на трошоците. Го преземаме процесот на договарање и обнова на полиси за АО, КАСКО и осигурување на патници, како и зелена карта. Предности што ги остварува клиентот: - Повеќе не мора да се грижи околу договарање на полиси и обнова на осигурување. Сите возила се целосно осигурани за време на целиот период на траење на договорот. - Износот на осигурување на возилата е составен дел од месечниот трошок на услугата за управување со возниот парк. - Исто така, ја преземаме целосната грижа околу периодичните технички прегледи и исполнување на сите законски пропишани предуслови и документација потребна за испорака и почеток на користење на ново возило, за целиот период на траење на договорот.

Вршиме целосна координација на процесот на испорака на возила, вклучувајќи подготовка на возилото со сите потребни документи и законски пропишана опрема. На барање на клиентот, вршиме дополнителни услуги за опремување и/или осликување на возилата во согласност со корпоративните прописи на клиентот. Клиентот при испораката на возилото добива целосно подготвено и опремено возило подготвено за моментална употреба и експлоатација.

Целосно управуваме со сите процеси и настани кои се однесуваат на одржување на возилата, без разлика дали станува збор за редовно одржување или вонредни поправки на возилата, како и преземање на ризикот од сите непланирани трошоци по основа на одржување на возилата, а за тоа им обезбедуваме на клиентите однапред познати фиксни трошоци за одржување. Услугата за управување со процесот на одржување на возилата вклучува сите трошоци за одржување на возилата, редовно и вонредно, како и сите потрошни материјали за време на периодот на експлоатација (кочни облоги, течности во моторот, потрошен материјал, метлички на бришачите и сл.), без оглед на нивната потребна количина во нормални услови на користење на возилото и за договорно определената километража. Сите возила за време на целиот период на траење на договорот за одржување, се одржуваат исклучиво во овластени сервиси користејќи само оригинални резервни делови и материјали што ги препорачува самиот производител на возилото. Нашиот експертски тим врши контрола на сите активности и трошоци за одржување на возилата, како редовно, така и вонредно одржување, со што се обезбедува целосна контрола на сите активности на возилото и нивната исправност и безбедност на употреба, а големиот обем на набавка обезбедува најконкурентни услови и цени на пазарот, што директно влијае на понизок трошок на пакетот за одржување. Нашиот стручен тим континуирано ја следи реално поминатата километража и консумацијата на сите услуги, како и во случај на индикација на отстапувања му дава на корисникот предлог за корекција на договорот за управување на начин што се усогласуваат договорните параметри и на тој начин се избегнуваат големи отстапувања по истекот на договорот.

Услугата за управување со пневматици вклучува дополнителни пневматици, во однос на траењето на користење на возилото и договорната километража. Услугата за управување со пневматици вклучува, освен пневматиците, сезонска замена, како и складирање на истите за време на периодот на користење на возилото. Со нашиот советодавен пристап и користење на соодветни димензии и категории на пневматици можни се значителни заштеди во овој сегмент.

Услугата за заменско возило Ви обезбедува мобилност во секој момент со користење на заменско возило од однапред договорена категорија во случај на потреба од истото кај: - Поголеми дефекти - Штети на возилото - Кражби и слични настани Услугата се договара на определен број денови на користење на заменското возило за време на периодот.

Услугата за помош на пат, која е достапна 24 часа дневно со повик на бесплатен број, вклучува обезбедување на мобилност и помош во сите ситуации кога не сте во можност нормално да го користите Вашето возило покриено со нашите услуги. Услугата за помош на пат е достапна во ист обем на покривање, без оглед на марката на возилото. Услугата за помош на пат можно е да се договори и за сите држави на Европа (надвор од Северна Македонија повикот се остварува на посебен фиксен број, со соговорник кој зборува македонски, без оглед од која држава се врши повикот).

Целосно го преземаме комплетниот процес на обработка на штети на возилата: - Обработка на штети со осигурителното друштво - Договарање на поправки на возилата со сервисите - Ликвидација на штети - Враќање на возилото на корисникот За време на периодот на поправка на возилото ја обезбедуваме мобилноста на клиентот, односно корисникот на возилото преку услугата за заменско возило.

Нудиме посебно креирани и приспособени VIP услуги за клиенти: "Door To Door" услуга Услугата вклучува преземање и враќање на возилото во цел на извршување на работи на возилото (одржување, регистрација, пневматици и сл.) Останати VIP услуги на барање За нашите клиенти во можност сме да обезбедиме сите останати VIP услуги на барање со претходен договор.

Сите наши клиенти можат во секој момент преку телефонски повик да добијат сите потребни информации поврзани со возилата и нашите услуги. Повиците се системски забележуваат, така што е можно во секој момент да се добијат разни форми на извештаи за сите остварени барања и пријавени случаи – отворени и затворени, односно решени. Преку кол центарот корисниците на возилата се во можност на пример да резервираат термин во сервис, да се договорат за замена на гуми, да бараат Door-To-Door услуга или да добијат информација за поединечните услуги вклучени во нивниот договор за управување.

На сите наши корисници стандардно им даваме услуга на редовно известување за состојбата на нивната флота, преку кои во секој момент имаат комплетен преглед и битни информации за нивната флота врз основа на кои можат да донесуваат важни одлуки во нивното работење.

Сите наши клиенти добиваат пристап до нашиот онлајн кориснички центар каде можат во реално време да ги следат сите битни информации за својот возен парк: - Прегледување детали на поединечните договори - Прегледување на сите поднесени барања преку кол центарот или преку онлајн сервисот - Креирање нови барања или случаи за решавање, како што се прашања за поединечни услуги, барања за доставување на податоци, пријавување штета или дефект на возилото и сл. - Прегледување на сите издадени сметки, понуди и сл. - Преземање низа однапред дефинирани извештаи за нивната флота